Cümə axşamı , Dekabr 2 2021
azfa

İran rejimi azərbaycanlı fəal Şahin Bərzgəri həbs və cərimə cəzasına məhkum etdi

GADTB-nin Mətbuat Mərkəzinə daxil olan məlumata görə, İran rejiminin məhkəməsi milli-mədəni fəal Şahin Bərzgəri həbs və cərimə cəzasına məhkum edib.

Azərbaycanlı fəal Şahin Bərzgər “Sosial şəbəkələrdə kommunikasiya vasitələrindən istifadə etməklə əhalini zorakılığa dəvət etmək” ittihamı ilə 4 milyon tümən cərimə və 50 gün həbs cəzasına mühakimə edilib.

Qərar hakim Rza Füruğinin sədrliyi ilə keçirilən rejimin Təbrizdəki Cinayət Məhkəməsinin 111-ci şöbəsində çıxarılıb.

Həmçinin azərbaycanlı fəal barəsində çıxarılan 50 günlük həbs cəzası 2 il müddətinə təxirə salınmışdır.   

Qeyd edək ki, azərbaycanlı milli fəal Təbrizdə iyulun 24-də əl-Əhvaz etirazların dəstək məqsədilə keçirilən etirazlarla bağlı yaxalanmışdı. Həmçinin azərbaycanlı fəal 2019-cu ilin noyabr ayında İranda yanacaq qiymətlərinin bahalaşmasına qarşı keçirilən kütləvi etirazlarda digər milli fəallarla birlikdə Təbrizdə yaxalanmışdı.

Həmçinin yoxlayın

Türkiyə sanksiyaya görə idxal edə bilmədiyi dəniz tolarını özü istehsal etdi

GADTB-nin Mətbuat Mərkəzinə daxil olan məlumata görə, Türkiyədə mühəndislərin son bir ildir üzərində çalışdığı milli …

Güney Azərbaycan şəhərlərində müəllimlər etiraz aksiyası keçirdilər

GADTB-nin Mətbuat Mərkəzinə daxil olan məlumata görə, bu gün Güney Azərbaycanın müxtəlif şəhərlərində, o cümlədən …