İran rejimi Azərbaycan bayrağı altında İsrailə qarşı Tehranda etiraz mitinqi təşkil etdi

GADTB-nin Mətbuat Mərkəzinə daxil olan məlumata görə, İran rejimi Azərbaycan adı və bayrağı altında Tehranda cümə günü İsrailə qarşı mitinq təşkil edib.

Azərbaycan bayrağının nümayişini İranda qadağan edən, Azərbaycan şiələrinin ərazisini işğal edən Ermənistanı daim dəstəkləyən İran rejimi Azərbaycan bayrağı və adından su-istifadə edərək Tehranda öz bəsiciləri və əlatılarını cəlb etməklə Azərbaycan bayrağı altında İsrailə qarşı etiraz mitinqi təşkil edib.

İran rejimi mitinqə öz bəsicilərini və İrana bağlı olan və dini elmlər tələbəsi adı altında İranda yaşayan Azərbaycan xainlərini cəlb etməklə keçirib. İran rejimi həmçinin mitinqdə Azərbaycan türkcəsində İsrailə qarşı şüarlar yazdığı plakatları verib və nümayiş etdirmişdir.