GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, azərbaycanlı mədəni fəalı Məhəmməd Mərdi İran rejiminin Təbrizdəki Cinayət Məhkəməsinin 111-ci şöbəsi tərəfindən 6-cı dərəcəli 3 ay həbs və 74 şallaq zərbəsinə məhkum edilib.
Xəstəxanaya yerləşdirilən Məhəmməd Mərdi məhkəmə günü məhkəmə iclasında iştirak edə bilməyib.
Qeyd edək ki, İran rejiminin qüvvələri iyulun 24-də əl-Əhvaz etirazlarına dəstək məqsədilə keçirilən etirazlarla bağlı iyulun 26-da azərbaycanlı fəalın atasının evinə basqın edib və məhkəmə qərarını təqdim etmədən onu yaxalamışdılar.
Məhəmməd Mərdi saxlanılarkən vəhşicəsinə döyülərək, başından və çənəsindən xəsarət almışdı.
Azərbaycanlı fəal Məhəmməd Mərdi bundan öncə idə 2016, 2017, 2018 və 2019-cu illərdə milli-mədəni fəaliyyətlərinə görə İranın təhlükəsizlik orqanları tərəfindən dəfələrlə tutulub və fiziki zorakılığa və təzyiqlərə məruz qalmışdı.
