GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İran rejiminin məmurları oktyabrın 28-də Ərdəbil şəhərindən olan azərbaycanlı milli fəal Məqsud Əlizadeqanı zəng edərək ETTELAAT İdarəsinə çağırıblar.
Azərbaycanlı fəal ETTELAAT İdarəsində bir neçə saatlığına dindirilərək hədələnib. Bir neçə saat təzyiq və təhdiddən sonra fəalın sərbəst buraxıldığı bildirilir.
3 saatdan çox çəkən dindirmə zamanı rejimin ETTELAAT məmurları Məqsud Əlizadeqana təzyiq göstərib, onu fəaliyyətlərinə davam etdirəcəyi təqdirdə həbs edəcəklərini bildiriblər.
Qeyd edək ki, irqçi fars rejim Azərbaycanlı fəalları təzyiq və təhdidlə milli-mədəni fəaliyyətlərindən çəkindirməyə çalışır.
