GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejim Güney Azərbaycanda tarixi abidələri baxımsız vəziyyətdə saxlamaqla məhv etməyə çalışır. Həmin tarixi abidələrdən biri Təbrizdə tarixi buzxana olan Beylankı buzxanasıdır.
Qacarlar dönəmində tikilən Beylankı buzxanası tarixi əsərlər iyahısına salınsa da, məqsədli şəkildə baxımsız vəziyyətdə saxlanılıb, məhv edilir. Ntarixi abidə artıq zibilliyə çevrilib.
Təbrizin Abbasi məhəlləsində yerləşən tarixi abidə şəhərin qədim məhəlləsi Bağmeşənin keçmiş Kələntəri kompleksinin tərkibində olub və 2006-cı ildə, 18687 qeydiyyat nömrəsi ilə ölkənin tarixi abidələr siyahısına salınıb.
Beylankı Təbriz şəhərinin ən qədim və tarixi məhəllələrindən sayılır. Elxanlılar dönəmində Qazan xan və Rəşidəddin Həmədani tərəfində tikilən Rübi Rəşidi Universiteti məhəllənin əhəmiyyətini daha da artırmışdır.
Qeyd edək ki, İran rejimi Azərbaycanın tarixi abidələrinə belə münasibətlər bəsləməklə əslin həmin abidələrin tədrici məhvinə şərait yaradır.
