GADTB-nin Mətbuat Mərkəzinə daxil olan məlumata görə, İran rejimi həbs etdiyi Azərbaycan rəqsi müəllimi Mitra İbrahimini vəsiqə qarşılığında zaminə buraxıb.
İyulun 1-də Təbrizdə İran rejiminin ETTELAAT məmurları tərəfindən idarəyə çağrılaraq yaxalanan azərbaycanlı sənətçi rejimin Təbrizdəki zindanına köçürülmüşdü. Daha sonra isə Azərbaycan rəqsi müəllimi Mitra İbrahimi 500 milyon tümən girov qarşılığında məhkəməyə qədər zaminə buraxılıb.
Azərbaycan rəqsi müəllimi Mitra İbrahimi ETTELAAT İdarəsində sorğu-suala çəkildikdən sonra “sosial şəbəkələrdə rəqs görüntüsü yaymaq”da ittiham edilib və daha sonra Təbriz zindanına köçürülmüşdü.
Qeyd edək ki, Mitra İbrahimi Azərbaycan rəqsi müəllimi və Təbrizin ” Söz-saz” dərnəyinin üzvüdür.