Çərşənbə , İyul 24 2024
azfa

İran rejimi Qarabağa görə azərbaycanlı fəal Zeynal Tənhaini 5 milyon rial cərimələdi

GADTB-nin Mətbuat Mərkəzinə daxil olan məlumata görə, İran rejimi Güney Azərbaycanın Təbriz şəhərindən olam azərbaycanlı milli-mədəni fəal Zeynal Tənhai İranın Ermənistana hərbi yardımına etiraz etdiyi üçün 5 milyon rial cərimələdi.

İran rejiminin Cinayət Məhkəməsinin 112-ci şöbəsi bununla bağlı qərar çıxarıb.

Bundan öncə isə rejimin Təbrizdəki İnqilab Məhkəməsinin 3-cü şöbəsi azərbaycanlı fəalı erməni təcavüzünü pislədiyinə görə şərləyərək “Sistemə qarşı təbliğat”da ittiham edib və bununla bağlı onu 3 aylıq həbs cəzası qarşılığında 3 milyon tümən nağd cərimə ödəməyə məhkum etmişdi.

Qeyd edək ki, keçən ilin oktyabr ayının 4-də İranın ETTELAAT məmurları heç bir məhkəmə hökmü təqdim etmədən Zeynal Tənhainin mənzilinə hücuma keçib, axtarış apararaq, ona və həyat yoldaşına aid telefonları müsadirə etmişdilər.

Azərbaycanlı fəal 500 milyon tümən girov qarşılığında məhkəmə işinin bitməsinə qədər müvəqqəti azadlığa buraxılmışdı.

Keçən ilin payızında Azərbaycana dəstək aksiyalarında yaxalanan azərbaycanlı fəalların bir sırası mühakimə olunub, bir sırasının isə mühakiməsi davam edir.

Həmçinin yoxlayın

Türk ölkələri Qazaxıstan və Özbəkistan yeni T916 hava dəhlizini açdı

GADTB: Dəhliz Avropadan Cənub-Şərqi Asiyaya uçuşlar üçün nəzərdə tutulmuş əlavə marşrutlardan biridir Qazaxıstan və Özbəkistan …

Azərbaycanlı futbolçu Əmir İbrahimzadə “Traxtur”dan çıxarılıb, xorvatiylı fubolçu gətirildi

GADTB-nin Mətbuat Mərkəzinə daxil olan məlumata görə, ötən mövsüm “Traxtur”un heyətində olmaq fürsəti qazanan Azərbaycanın …