GADTB-nin Mətbuat Mərkəzinə daxil olan məlumata görə, İran rejimi Urmiya gölünün qurudulmasına etiraz olaraq planlaşdırılan kütləvi etirazların qarşısını almaq məqsədilə çox sayda azərbaycanlı fəala təzyiq göstərib.
Rejimin ETEELAAT orqanları aksiyanın təşkilatçılarına və milli fəallara zəng edərək ETTELAAT İdarəsinə çağırıb və hədələyiblər.
Əsasən iyulun 12-dən başlayaraq azərbaycanlı milli-mədəni fəallar Təbriz və başqa şəhərlərdə İranın ETTELAAT İdarəsinə çağırıblar. Azərbaycanlı milli fəallardan tələb edilir ki, 16 iyulda keçiriləcək aksiyalara qatılmasınlar.
Rejim həmçinin sənətçi, jurnalist və sosial şəbəkə fəallarından tələb edib ki, Urmiya gölü ilə bağlı məlumatları yaymasınlar. Həmçinin dünən rejimin məmurları vəhşicəsinə azərbaycanlı fəal Şahin Bərzgərin evinə hücum edib, onu həbs etmək istəyiblər.