GADTB-nin Mətbuat Mərkəzinə daxil olan məlumata görə, Güney Azərbaycanın Zəngan bölgəsində öz mədənlərinin talanmasını istəməyən əhaliyə İran rejimi divan tutdu.
Amansız polis gücləri Zənganın Hüseynabad kəndinə hücum çəkib insanları vəhşicəsinə döyüblər. Kənd sakinlərindən 8 nəfər ağır xəsarətlər alaraq xəstəxanaya aparılıb, 15 nəfər yaxalanıb.
Qeyd edək ki, kənddə dəmir filizi mədəninin fəaliyyəti ətrafa güclü toz-torpaq yayaraq əkinçilik məhsullarına və səhti sulara zərər verdiyi üçün sakinlər mədənin bağlanması tələbi ilə yolu bağlasalar da, rejimin polis güclərinin sərt təpkisi ilə qarşılaşıblar.