Cümə axşamı , Dekabr 2 2021
azfa

İran saytı Ermənistan parlamentinin sədri Alen Simonyanın Azərbaycana qarşı tvitini yaydı

GADTB-nin Mətbuat Mərkəzinin “Azad İran”a istinadən yaydığı məlumata görə, İranın Sepah hərbi təşkilatına yaxın “mashreghnews” saytı bu gün Ermənistan parlamentinin spikeri Alen Simonyanın Azərbaycana qarşı tvitini dərc edib.

İran saytının “Ermənistan parlamentinin sədrinin 9 noyabr bəyannaməsinin pozulmasına reaksiyası” başlıqlı yazısında Alen Simonyanın “Twitter” hesabında paylaşdığı tvitin mətni verilərək, onun Azərbaycan Respublikasına qarşı irəli sürdüyü əsassız ittihamlarına və guya “Azərbaycanın Ermənistana təcavüz etməsi” ilə bağlı iddiasına dolayısı ilə dəstək nümayiş etdirilir.

İran saytında deyilir ki, Ermənistan parlamentinin sədri bir neçə saat əvvəl “Twitter” hesabında paylaşım edərək bunları yazıb:

“Azərbaycan üç tərəfli 9 noyabr bəyannaməsini pozub.

BMT nizamnaməsinə əsasən, Ermənistan Respublikası gücdən və ya istənilən vasitədən istifadə etməklə öz ərazi bütövlüyünə və suverenliyinə qarşı edilən hər hansı bir təcavüzün qarşısını almaq hüququna malikdir”, -deyə Alen Simonyanın “Twitter”dəki paylaşımında bildirilir.

Həmçinin yoxlayın

Azərbaycanlı siyasi məhbus Abbas Lisaniyə azadlıq tələbilə dəstək aksiyası-Video

GADTB-nin Mətbuat Mərkəzinə daxil olan məlumata görə, Güney Azərbaycanın Ərdəbil şəhərində oktyabrın 1-də bir qrup …

Azərbaycanlı fəalı Əkbər Mohacerinin həbsi üçün İran məhkəməsinin əməkdaşları onun evinə hücum ediblər

GADTB-nin Mətbuat Mərkəzinə daxil olan məlumata görə, İran rejiminin Şərqi Azərbaycandakı prokurorluğu Azərbaycan Milli Hərəkatının …