GADTB Güney Azərbaycan Demokratik Türk Birliyi
GADTB:Ştutqartda fəaliyyət göstərən “Stelp” yardım təşkilatı xeyriyyə təşkilatının qurucusu Serkan Erenin 23 iyun 2025-ci ildən İrana humanitar səfərindən sonra itkin düşdüyünü və onunla heç bir əlaqə saxlamaq mümkün olmadığını açıqlayıb.
Təşkilatın məlumatına görə, Türkiyə vətəndaşı Serkan Eren Almaniyadan maliyyə yardımı çatdırmaq üçün humanitar missiya ilə İrana gedib və qeyd olunan tarixdə İranı tərk etməli idi. Lakin o, İranı tərk etməyib və o vaxtdan bəri onunla heç əlaqə saxlamaq mümkün deyil.
Serkan Eren İrana səfər etməzdən əvvəl Almaniyanın SWR mətbu orqanına verdiyi müsahibədə hər hansı anlaşılmazlıqların qarşısını almaq, casusluq və ya təxribatda ittiham olunmamaq üçün peyk telefonu, gülləkeçirməz jilet, dəbilqə kimi heç bir təhlükəsizlik və ya rabitə avadanlığı gətirmədiyini və İrana yalnız sadə bel çantası ilə daxil olduğunu bildirmişdi.
