GADTB Güney Azərbaycan Demokratik Türk Birliyi
GADTB: Sepaha yaxınlığı ilə tanınan Təsnim xəbər agentliyi ABŞ-ın İrana qarşı hücumlarının yeddinci gecəsində Bəndər-Abbas–Rudan avtomobil yolunda yerləşən iki körpünün hədəfə alındığını və həmin marşrutun zərər gördüyünü bildirib.
Agentliyin məlumatına görə, hücumlar nəticəsində bir neçə nəfər ölüb və yaralanıb. Lakin ölən və yaralananların dəqiq sayı, eləcə də dəymiş ziyanın həcmi barədə hələlik rəsmi məlumat açıqlanmayıb.
Hörmüzqan vilayətinin qubernatorluğu da şənbə günü, 18 iyul tarixində səhər saatlarında bəyan edib ki, ABŞ hücumları nəticəsində gediş-gəliş istiqamətində yerləşən Mirzayi tuneli bağlanıb. Həmçinin Bəndər-Abbas–Sircan yolunda yerləşən Şur çayı körpüsü, eləcə də Minab üçyolundan Rudan istiqamətində, Sərzə yolayrıcından sonrakı körpü də hücuma məruz qalıb.
Qubernatorluq təhlükəsizlik səbəbindən vətəndaşlara həmin marşrutlardan istifadə etməməyə çağırış edib.
Eyni zamanda Təsnim xəbər agentliyi Larak adasına edilən hücum zamanı adadakı dəniz müşahidə qülləsinin raket zərbəsinə məruz qaldığını bildirib. Bundan əvvəl Hörmüzqan vilayətinin qubernatorluğu gecə saat 01:30-da adada yerləşən bir məntəqənin hədəfə alındığını açıqlamışdı.
