GADTB Güney Azərbaycan Demokratik Türk Birliyi
GADTB-nin Mətbuat Mərkəzinin “Azad İrana”a istinadən yaydığı məlumata görə, İran və Ermənistan arasında Birgə İqtisadi Əməkdaşlıq Komissiyanın İrəvanda keçirilən 17-ci iclası çərçivəsində İranın “Araz” və Ermənistanın “Mehri” Azad İqtisadi Zonalarının rəhbərləri arasında anlaşma memorandumu imzalanıb.
İranın Energetika Nazirliyinin rəsmi saytı xəbər verir ki, anlaşma memorandumunda tərəflər iki ölkənin iş adamlarının daha geniş əməkdaşlığına zəmin hazırlanmasının və İran və Ermənistanın azad iqtisadi zonalarının xüsusi imkanlarından sənaye, istehsal, biznes və ticarət əlaqələrinin inkişafı üçün istifadə edilməsinin önəmini vurğulayıblar.
Qeyd edək ki, bu, İran hökumətinin faşist Ermənistan rejimi ilə ilk belə əməkdaşlığı deyil. Belə ki, Tehran 30 il boyunca Qarabağı işğalda saxlayan və Xocalı qətliamını törədən işğalçı erməni dövləti ilə siyasi, iqtisadi və hərbi işbirliyi edərək İslam həmrəyliyi prinsipini deyil, yalnız öz dövlət maraqlarını üstün tutub.
