İranın Ermənistandakı mədəniyyət müşaviri: “İran və Ermənistan arasındakı mədəni  bağlar əlaqələri genişləndirir”

GADTB: İranın Ermənistandakı səfirliyinin nümayəndəsi və Həmədan əyalətinin Mədəni İrs, Turizm və Sənətkarlıq Baş İdarəsinin rəis müavini şənbə günü Ermənistan Turizm Federasiyasının sədri ilə görüşüb.

İranın Ermənistandakı səfirliyinin mədəniyyət müşaviri Məhəmməd Əsədi Movəhhedin Ermənistan Turizm Federasiyasının rəhbəri ilə görüşündə İran və Ermənistan arasında ortaq mədəni cəhətlər və əlaqələrin genişlənməsinin zəruriliyi vurğulanıb.

Görüşdə Ermənistanın Turizm Federasiyasının sədri Petrosyan  deyib:

“Bizim bir yerdə olmamağa haqqımız yoxdur. İranla turizm sahəsində çoxlu əməkdaşlığımız var. Biz İranın köməyi ilə bölgədə mədəni-tarixi ortaqlıqları dirçəltməyə çalışırıq və artıq iki ildir ki, ermənilərin ənənəvi bayramı olan “Navasred” günündə Sisyan şəhərində iranlıların və ermənilərin yemək və əl işləri festivalı keçirilir”./Azad İran