GADTB-nin Mətbuat Mərkəzinə daxil olan məlumata görə, irqçi fars rejimin ETTELAAT İdarəsinin məmurları Təbrizdə azərbaycanlı milli fəal və şair Əsgər Saipurun evinə hücum edərək, onu yaxalayıblar.
İranın ETTELAAT İdarəsinin məmurları azərbaycanlı milli fəal və şair Əsgər Saipurun (Dalğa Ucanlı) evinə hücum edərkən evdə axtarış aparıb və fəala məxsus telefon, noutbuk, əlyazmaları və başqa əşyalarını müsadirə edərək özləri ilə aparıblar.
Azərbaycanlı fəal və şairin özünü isə bir gün sorğu-suala çəkdikdən sonra sərbəst buraxıblar. Lakin fəalın müsadirə etdikləri telefon, noutbuk, əlyazmaları və başqa əşyalarını geri qaytarmayıblar.
Qeyd edək ki, Əsgər Saipur ötən ay da bir neçə dəfə İranın ETTELAAT İdarəsinə çağrılmışdı.