GADTB Güney Azərbaycan Demokratik Türk Birliyi
GADTB: Yayılan bir videoya əsasən, quru qoşunlarının daxilindən gələn görüntülər hərbi qüvvələr arasında ciddi ruh düşkünlüyü və komanda idarəetmə sistemində böhran əlamətlərinin yarandığını göstərir. Videoda danışan hərbçilərdən biri etiraz dolu ifadələrlə bildirir ki, müharibənin davam etməsi onlar üçün artıq mənasını itirib və qarşılarında konkret məqsəd görünmür.
O deyir: “Artıq bu müharibənin hansı dəyəri olduğunu anlamırıq; bizə sadəcə ‘gözləyin’ deyirlər. Nə əmr var, nə də xəbər.”
Həmin hərbçinin sözlərinə görə, bir çox komandirlər ya mövqeləri tərk ediblər, ya da artıq ortada yoxdur və nəticədə qüvvələr faktiki olaraq rəhbərliksiz və qeyri-müəyyən vəziyyətdə qalıblar.
Açıqlamada həmçinin cəbhədəki vəziyyətə də toxunulur. Bildirilir ki, hərbçilər demək olar ki, hər gün hava hücumlarından yayınmaq üçün gizlənməyə və mövqelərini dəyişməyə məcbur qalırlar, lakin onlara konkret tapşırıq verilmir. Bu şəraitin son dərəcə gərgin olduğu vurğulanır və bəzi hərbçilərin artıq təslim olmağı belə mümkün variant kimi düşündükləri qeyd olunur.
