İranın Hörmüz boğazını 30 günə açacağı iddia olunur

GADTB: ABŞ və İran arasında hərbi qarşıdurmanın dayandırılması ilə bağlı hazırlandığı bildirilən memorandum layihəsində Tehrana Hörmüz boğazında naviqasiya təhlükəsizliyini tam bərpa etmək üçün 30 gün vaxt verilməsi nəzərdə tutulur.

Məlumata görə, sənəd layihəsi ABŞ və İran arasında mövcud atəşkəsin 60 gündən çox uzadılmasına imkan yaradır və tərəflərin gərginliyi azaltmaqla mümkün nüvə razılaşması üçün zəmin formalaşdırmaq niyyətini əks etdirir.

Layihədə Hörmüz boğazının 30 gün ərzində minalardan təmizlənməsi və beynəlxalq gəmiçilik üçün yenidən açılması nəzərdə tutulur.

Bildirilir ki, bu çərçivədə ticarət gəmiləri və neft tankerlərinin boğazdan əlavə ödəniş tələb olunmadan keçidinə icazə veriləcək./Azad İran