İranın qanunsuz şəkildə Ermənistan yolu ilə Azərbaycanın Qarabağ bölgəsinə göndərdiyi yardımlar davam edir – Video

GADTB-nin Mətbuat Mərkəzinə daxil olan məlumata görə, bu gün İrandan yenə qanunsuz şəkildə içərisində şübhəli yüklərin olduğu çox sayda yük maşınının Ermənistan üzərindən Laçın dəhlizi vasitəsilə Qarabağa göndərilməsi ilə bağlı yeni video yayılıb.

Bu barədə “Azad İran” teleqram kanalı da məlumat yayıb.

Videogörüntülərdə Laçın dəhlizi boyunca Xankəndiyə gedən böyük tutumlu yük maşınlarını görmək olar.

Xatırladaq ki, bir neçə gün əvvəl “Azad İran” teleqram kanalında İrandan qanunsuz olaraq Qarabağ ərazisinə yük maşınlarının hərəkət etməsi ilə bağlı video yayılmışdı.