GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İranın icazəsi və təşkilatçılığı ilə ermənilər qondarma “soyqırımı” bəhanəsi ilə müxtəlif şəhərlərdə toplaşaraq Azərbaycan və Türkiyəyə qarşı nifrət dolu şuarlar səsləndiriblər.
Azərbaycan və Türkiyəyə qarşı belə mitinqlər əsasən Tehran və İsfahanda İran rejiminin xüsusi icazəsi və təşkilatçılığı ilə keçirilib.
Əvvəllər İran Azərbaycan və Türkiyəyə qarşı Ermənistanı gizli şəkildə dəstəkləsə də, artıq II Qarabağ müharibəsi dövründə və ondan sonra İran açıq şəkildə Ermənistanı dəstəkləyir.
Qondarma erməni “soyqırımı” ilə bağlı erməniləri Azərbaycan və Türkiyəyə qarşı təşkilatlandıran İran, Xocalı soyqırımını anmaq istəyə Cənubi Azərbaycandan olan azərbaycanalılara dəfələrlə divan tutub, yüzlərlə şəxsi yaxalayıb, həbs və təzyiqlərə məruz qoymuşdur.
