GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, iraqçi fars rejim azərbaycanlı milli-mədəni fəal Cəfər Rüstəmiradı Tehranda Apelyasiya Məhkəməsinə çağırdı.
Elektron məktubla məhkəməyə çağırılan azərbaycanlı fəal mayın 21-də rejimin Tehranda yerləşən Apelyasiya Məhkəməsinin 36-cı şöbəsinə müraciət etməlidir.
Qeyd edək ki, bundan öncə isə rejimin Tehranda yerləşən İnqilab Məhkəməsinin 26-cı şöbəsi 2018-ci il iyul ayında keçirilən Babək Qalası Qurultayı ilə əlaqədar yaxalanan azərbaycanlı fəallar İbrahim Nuri və Cəfər Rüstəmirad barəsində ağır hökm çıxarılmışdır.
Məhkəmə qərarına görə, İbrahim Nuri 18 ay, Cəfər Rüstəmirad isə 6 ay həbs cəzasına məhkum edilmişdir. Fəalların ikisi də hər hansı qrup və ictimai-siyasi birliyə üzv olmaq, eləcə də mətbuat fəaliyyətindən məhrum edilib.
Rejimin çıxardığı hökmə əsasən, İbrahim Nuri Əfqanıstan sərhəddində yerləşən Nehbəndan şəhərinə 2 il müddətinə sürgünə göndəriləcək.
