GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Qərb ölkələrinin kəşfiyyat xidmətləri İranın qaçaqmalçılıq yolu ilə Livana silah göndərdiyini güman edirlər. Bu barədə məlumatı “Foks Nyus” yayıb.
Məlumata görə, Livana gətirilən silahlar daha çox Hizbullaha verilir:
“İranın “Fars Eyr Qeshm” aviaşirkəti son iki ay ərzində Tehrandan Beyruta iki qeyri-adi reys həyata keçirib. Birinci reys iyulun 9-da baş tutub. Həmin vaxt Boinq-747 təyyarəsi əvvəlcə Tehrandan Dəməşqə uçub. Oradan da kiçik fasilədən sonra Beyruta yollanıb. Təyyarə kifayət qədər qeyri-xarakterik uçuş trayektoriyası ilə yerli vaxtla saat 16:00-da eniş edib. Təyyarənin marşrutu Livanın şimalından keçib ki, bu da reysin trayektoriyası üçün adi bir şey deyil. İranlılar Yaxın Şərqdəki müttəfiqlərini silahla təmin etmək yeni yollar düşünürlər”.
Televiziya bildirib ki, məhz bu təyyarə İran zavodlarında hazırlanan yüksək dəqiqliyə malik silahları Livana daşıyıb.
İkinci uçuş 2 avqustda həyata keçirilsə də, təyyarə bu dəfə Dəməşq hava limanında eniş etməyib.
