GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimin Ali Məhkəməsinin 51-ci bölməsi Azərbaycana dəstək aksiyasına yaxaladığı tanınmış azərbaycanlı milli-mədəni fəal Əkbər Mühaciri barədə qərar çıxarıb.
İrqçi fars rejim azərbaycanlı fəalı şərləyərək 3 il həbs cəzasına məhkum edib.
Qeyd edək ki, Əkbər Mühaciri 2020-ci il oktyabrın 17-də Güney Azərbaycan şəhərlərində Azərbaycan Orudusuna dəstək və Nurduz gömrüyünün bağlanması tələbi ilə keçirilən aksiyalardan 1 gün qabaq Təbrizdə öz evində yaxalanıb və 28 oktyabrda mülki vəsiqə qarşılığında zaminə buraxılmışdı.
Əkbər Mühaciri həmçinin 2019-cu ilin noyabr etirazları zamanı özünün şəxsi mənzilində ETTELAAT qüvvələri tərəfindən zorakılıqla və heç bir məhkəmə hökmü olmadan həbs edilmişdi.
Azərbaycanlı fəal “İctimai asayişi pozmaq”da ittiham olunaraq 1 il həbs və 74 zərbə şallaq, 10 milyon tümən maddi cəzaya məhkum olunmuşdu.
Həmçinin o, rejimin İnqilab Məhkəməsinin 2-ci şöbəsi tərəfindən “GAMAC” təşkilatına üzv olmaqda günahlandırılaraq 3 il həbs cəzasına məhkum edilmişdi.
Son ittihamla bağlı o etirazını bildirdiyi üçün Şərqi Azərbaycan Apellyasiya Məhkəməsi onun işinə yenidən baxaraq, cəzanı 6 aya endirmək barədə qərar verilsədə, rejimin ETTELAAT İdarəsinin təzyiqləri nəticəsində 3 il həbs cəzası yenidən qüvvədə saxlanıldı.
