Çərşənbə axşamı , Aprel 16 2024
azfa

İrqçi fars rejimin müstəmləkə siyasətinin nəticələrindən: Təbriz su böhranı ilə qarşılaşır

GADTB-nin Mətbuat Mərkəzinə daxil olan məlumata görə, irqçi fars rejimin Güney Azərbaycana qarşı müstəmləkə siyasəti Güney Azərbaycanda su infrastrukturunun zəifliyində də özünü göstərməkdədir.

Bunun nəticəsində keçən aylarda Təbriz əhalisinin böyük bir bölümü su kəsintiləri və su qıtlığı ilə qarşı-qarşıya qalmışdı. Şərqi Azərbaycan vilayəti Regional Su Şirkətinin sədri Yusuf Qafarzadənin dediklərinə görə, mövcud mənbələr hesabına Təbrizin içməli suyu ancaq üç il daha təmin oluna bilər.

Qafarzadə Təbriz Şəhəri İdarə Şurasının iclasında deyib ki, “Təbrizin suyu hazırda üç mənbədən təmin edilir; Qızılca Meydan quyuları, Nəhənd bəndi və Zərrinə çayı (Cığatı) bəndi. Araz çayının suyunu yönləndirmədən bu mənbələrlə Təbrizə ancaq üç il daha su verə bilərik.

Şərqi Azərbaycan vilayəti Su və Kanalizasiya Şirkətinin sədri Əlirza İmanlı isə bazar günü Təbriz Şəhəri İdarə Şurasının iclasında deyib ki, “Təbrizdə su istehlakı hər il artır. Bu il pandemiya şəraiti su istehlakının 37 faiz artmasına səbəb oldu. Bunu qarşılamaq üçün yeni quyuların qazılmasına qərar verildi, lakin lazımi büdcə vəsaiti hələ təmin olunmayıb.”

İmanlı həmçinin deyib: “Təbriz əhalisi haqlı olaraq içməli suyun təmini ilə bağlı sıxıntılara etiraz bildirirlər. Bu problemin həlli üçün əhatəli proqramlara diqqət yetirilməlidir”.

Həmçinin yoxlayın

“Traxtur”un uduzdurulmasından ürəyi dayanan “Traxtur” tərəfdarı torpağa tapşırılıb

GADTB: “Traktor” komandası ilə İsfahanın “Zob Ahan” komandaları arasında keçirilən oyun zamanı insult keçirən və …

İran XİN: “Azərbaycanın Tehrandakı səfirliyinin diplomatik fəaliyyətinin bərpası üçün hazırlıq görülüb”

GADTB: Bu gün İran Xarici İşlər Nazirliyinin sözçüsü Naser Kənani jurnalistlərlə keçiridiyi mətbuat konfransında Azərbaycanın …

Bir cavab yazın