İşğalçı Ermənistanın Tovuz istiqamətində hücumları davam edir

GADTB-nin Mətbuat Mərkəzinə daxil olan məlumata görə, iyulun 16-da səhər saatlarından başlayaraq Azərbaycan-Ermənistan dövlət sərhədinin Tovuz rayonu sahəsində Ermənistan silahlı qüvvələrinin bölmələrinin mövqelərimizə yenidən hücum cəhdi olub.

Azərbaycan Müdafiə Nazirliyinin məlumatında bildirilir ki, eyni zamanda rayonun Ağdam, Dondar Quşçu və Vahidli kəndləri iriçaplı silahlar və minaatanlardan atəşə tutulub. Mülki əhali arasında xəsarət alan yoxdur.

Hazırda bu istiqamətdə döyüş gedir. Əməliyyat şəraiti Azərbaycan bölmələriminin nəzarəti altındadır.