GADTB Güney Azərbaycan Demokratik Türk Birliyi
GADTB: “İsrael Hayom” nəşri xəbər verir ki, İran İslam İnqilabı Keşikçiləri Korpusunun (SEPAH) hərbi təlimlər zamanı 30 ballistik raket buraxmasından sonra İsrail ordusu bütün cəbhələrdə döyüş hazırlığı səviyyəsini yüksəldib və İrana qarşı məqsədli hücum üçün ən yüksək hazırlıq vəziyyətinə gətirilib.
Nəşrin məlumatına görə, İsrailin diqqət mərkəzində olan əsas ssenarilərdən biri Hörmüz boğazında gərginliyin artmasıdır. Gözlənilir ki, ABŞ yaxın günlərdə boğazdan keçən gəmilərin aşkarlanması ilə əlaqəli İran radarlarına, raket buraxılış qurğularına və müşahidə məntəqələrinə dəqiq zərbələr endirə bilər.
Məlumata əsasən, İsrail tərəfi hesab edir ki, ABŞ-ın Hörmüz boğazında həyata keçirə biləcəyi hücumlar gərginlik ciddi şəkildə artmadığı təqdirdə İsrail üçün dərhal nəticələr doğurmayacaq. Lakin belə bir vəziyyətdə İran İslam Respublikası yenidən bərpa etdiyi raket sistemindən istifadə edərək Fars körfəzi ölkələrindəki digər hədəflərə zərbələr endirə bilər.
