İsrail Suriyaya son hücumunda İran istehsalı olan mindən çox raketi məhv etdi

GADTB-nin Mətbuat Mərkəzinə daxil olan məlumata görə, Suriya İnsan Haqları Müşahidə Qrupunun məlumatına görə, İsrail qırıcıları ölkənin Masyaf şəhərinə son hücumu zamanı İran İnqilabının Keşikçiləri Korpusu (SEPAH) tərəfindən hazırlanmış mindən çox raketi məhv ediblər. Bu raketlər Suriyanın tədqiqat mərkəzlərindən birində saxlanılırdı.

27 avqustda şənbə günü dərc edilən hesabatda sözügedən anbarın “Suriya Elmi Tədqiqat və Tədqiqatlar Mərkəzi” (SSRC) kompleksində yerləşdiyi və yer-yer tipli minlərlə orta mənzilli raketin SEPAH-ın “peşəkar zabitlərinin” nəzarəti altında yığılaraq saxlanıldığı bildirilir.

Suriya İnsan Haqları Müşahidə Qrupu bilgili qaynaqlara istinadən sözügedən raketlərin bir il öncədən Masyaf şəhərinin Əl-Zəvi bölgəsindəki anbarda saxlandığını vurğulayıb.

Müşahidə qrupunun məlumatında hücum zamanı Suriya ordusunun yüksək rütbəli zabitinin öldürüldüyü bildirilsə də, İran hərbçilərinin itkiləri barədə açıqlama verilməyib.

Bu, 2022-ci ildə İsrailin SEPAH-a bağlı olan və ya Suriya-İran birgə hərbi mərkəzləri hesab edilən hədəflərə sayca 21-ci hücumu sayılır.

Həmçinin yoxlayın

Sayın Mikayil bəy Oyta Sidneydə Qıbrız Barış Əməliyyatının 50-ci ildönümü və 20 İyul Sülh və Azadlıq Günü münasibətilə tədbirə qatılıb-Video

GADTB-nin Mətbuat Mərkəzinə daxil olan məlumata görə, Avstraliya Azərbaycan Assosiasiyasının prezidenti, Güney Azərbaycan Demokratik Türk …

Fransa hərbi təyyarəsi İrəvanın “Zvartnots” hava limanına endi – Video

GADTB: Fransanın Hərbi Hava Qüvvələrinə məxsus təyyarə İrəvanda “Zvartnots” hava limanına enib. Hərbi təyyarədə silah-sursatın …