GADTB Güney Azərbaycan Demokratik Türk Birliyi
GADTB: Beynəlxalq Elm və Təhlükəsizlik İnstitutunun qiymətləndirməsinə əsasən, “Ventor Texnologiz” şirkətinin 2026-cı ilin sentyabr və oktyabr aylarına aid yüksək dəqiqlikli peyk görüntüləri Tehranın şimal-şərqində yerləşən bir kompleksdə fəaliyyətin əhəmiyyətli dərəcədə yenidən başladığını göstərir.
İsrail ordusu 2026-cı il müharibəsi zamanı bu kompleksi “Mina təizləmə” adı ilə təqdim etmiş və onun nüvə silahlarının hazırlanması üçün istifadə edildiyini bildirmişdi.
İnstitutun məlumatına görə, bu obyekt İsrail tərəfindən 1404-cü ilin isfənd ayında hədəfə alındıqdan sonra burada fəaliyyət yenidən bərpa olunub.
Beynəlxalq Elm və Təhlükəsizlik İnstitutu nüvə silahları ilə əlaqəli olduğu bildirilən bu obyektin “Ventor Texnologiz” şirkəti tərəfindən hazırlanmış və təhlil edilmiş yüksək dəqiqlikli peyk görüntülərini yayıb. Görüntülər obyektin ətrafında avtomobillərin müntəzəm hərəkət etdiyini və İsrailin hücumlarından sonra genişmiqyaslı təmizləmə işlərinin aparıldığını göstərir. Həmin hücumlar nəticəsində bir neçə bina və ehtimal ki, yeraltı qurğular da dağıdılıb.
İsrail ordusunun baş sözçüsü Efi Defrin mart ayında bildirib ki, bu obyekt İran hakimiyyətinin nüvə silahları hazırlamaq səyləri ilə əlaqəli olub.
İsrail ordusu həmçinin bildirib ki, əldə edilən məlumatlar İranın nüvə alimlərinin hücumdan əvvəl bu obyektə gedib-gəldiyini göstərib.
