Kərəcdə azərbaycanlı fəallar və hüquqşünaslar Tahir Nəqəvinin ailəsini ziyarət etdilər

GADTB: Bir qrup azərbaycanlı fəal və hüquqşünas şənbə günü Kərəc şəhərində olaraq, hazırda Evin həbsxanasında aclıq aksiyasını davam etdirən milli fəal Tahir Nəqəvinin ailəsini evində ziyarət ediblər.

Görüşün, eyni həbsxanada aclıq edən digər azərbaycanlı fəal Vədud Əsədinin də sağlamlıq durumu ilə bağlı artan narahatlıqlar fonunda keçirildiyi bildirilir.

Görüşün məqsədi ailənin mövcud vəziyyəti ilə yaxından tanış olmaq və həmrəylik nümayiş etdirmək olub. İştirakçılar aclıq aksiyasının davam etməsinin iki milli məhbus üçün ciddi sağlamlıq riski yaratdığını vurğulayıb və bu təzyiqin aradan qaldırılması üçün təcili addımların atılmasına çağırıblar.