GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, azərbaycanlı valideynin mübarizəsindən sonra Təbrizdə Məhkəmə Baycan adlı azərbaycanlı körpəyə doğum şəhadətnaməsi verilməsinə qərar verib.
Məhkəmə qərarı ilə rejimin Şərqi Azərbaycan əyalətindəki Vətəndaş Vəziyyətlərinin Qeydiyyat İdarəsindən Baycan adlı azərbaycanlı körpəyə doğum haqqında şəhadətnamə verilməsi tələb edilib.
Qeyd edək ki, azərbaycanlı şair və fəalı Baycanın atası Ramin Cəbraili rejimin Vətəndaş Vəziyyətlərinin Qeydiyyatı İdarəsi tərəfindən övladına doğum haqqında şəhadətnamə verilməməsi halı ilə qarşılaşmışdı.
Təxminən 2 ay davam edən hüquqi çəkişmələrdən sonra məhkəmə prosesi zamanı azərbaycanlı ailə Təbriz Ümumi-Hüquqi Məhkəməsinin hökmü ilə Şərqi Azərbaycanda rejimin Vətəndaş Vəziyyətlərinin Qeydiyyat İdarəsini övladlarına doğum haqqında şəhadətnamə verməyə məcbur edə biliblər.
