GADTB Güney Azərbaycan Demokratik Türk Birliyi
GADTB: Marağada molla rejimin Vətəndaş Vəziyyətlərinin Qeydiyyatı İdarəsinin əməkdaşları azərbaycanlı körpəyə doğum şəhadətnaməsində seçilən adı səhv yazıb.
İdarənin əməkdaşları yeni dünyaya gəlmiş uşağın adını Arkan deyil, Aykan kimi qeydiyyata alıblar. Bununla bağlı azyaşlının atası Baqir Abbaspur “Balamın Adı” kampaniyasına məlumat verib.
O deyib: “Oğlumuz iyunun 2-də doğulub və biz onun üçün Arkan adını seçdik. Arkan türkcə təmiz təbiətli, saf düşüncəli deməkdir. İdarənin əməkdaşları bizə bildirdilər ki, bu ad sistemdə yoxdur, ancaq biz bu ada daha öncə də doğum haqqında şəhadətnamə verildiyini dedik. Yoldaşım və qohumlardan biri şəhadətnaməni götürməyə getdikdə Qeydiyyat İdarəsinin rəsmiləri Arkan adının Aykana bənzədiyini əsas gətirərək, bizi şəhadətnaməni götürməyə məcbur etdilər”.
