Molla rejimi Azərbaycan adını silmək üçün Marağanı əyalətə çevirmək istəyir

GADTB-nin Mətbuat Mərkəzinə daxil olan məlumata görə, irqçi fars-molla rejimi Güney Azərbaycanın Marağa bölgəsindən Azərbaycan adını ləğv etmək üçün buranı yeni əyalətə çevirir.

Molla rejiminin Azərbaycanın həmin hissəsinin adını “Səhənd” əyaləti adlandırmaq istəyir. Məqsəd isə Azərbaycanı parçalayıb Azərbaycan adını məhdudlaşdırmaqdır.

Beləliklə, panfarsizmin beyin mərkəzi Azərbaycan adının silinməsi planını davam etdirir.

Nə üçün Xorasan əyaləti bölündükdən sonra Şimali Xorasan, Cənubi Xorasan və Rəzəvi Xorasanı əyaləti adlandırıla bilir, amma Azərbaycana başqa adlar verilir?!

Bu, panfarsizm beyin mərkəzinin məqsədyönlü planıdır, hansı ki, İran hakimiyyətini öz nəzarəti altına alıb. Həmin planın məqsədi Rza xanın dövründən davam edən Azərbaycan adını Təbriz şəhəri və ətrafı ilə məhdudlaşdırmaqdır.