Bazar ertəsi , May 27 2024
azfa

Molla rejimi Azərbaycana qarşı yeni tədbir keçirib

GADTB-nin Mətbuat Mərkəzinə daxil lan məlumata görə, Tehranda İranın Müasir Tarixi Tədqiqat Mərkəzində “Cənubi Qafqazda sionizm təhlükəsi” adlı konfransda “Avrasiyada anqlosaks düzəninin işığında pantürkizm və sionizmin əlaqəsi” mövzusunda çıxışlar edilib.

Tədbirin əsas məruzəçisi Tehran Universitetinin beynəlxalq hüquq üzrə professoru molla rejimin Azərbaycana qarşı yetişdirdiyi Əhməd Kazımi növbəti dəfə Azərbaycan Respublikasına qarşı böhtanlar səsləndirib.

O, Türk Dövlətlər Təşkilatının yaradılmasını “sionizm və anqlosaks planı” adlandırıb, xristian-sion fenomeni olduğu kimi, indi də müsəlman-sion fenomeninin yaradılmasına çalışıldığını iddia edib:

“Anqlosaks düzəninin məqsədi Rusiya düzəninin dağıdılması, İran düzəninin qarşısının alınması, Qafqaz və Orta Asiyada Çin düzəninin yaradılmasına mane olmaqdır. Nikol Paşinyanın hakimiyyətə gəlməsi, İkinci Qarabağ müharibəsinin baş verməsi də yuxarıda qeyd olunan planın tərkib hissəsidir. Bundan sonra Ermənistanın cənub bölgəsinin bu ölkədən qoparılması planlaşdırılır”, – Əhməd Kazımi deyib.

Çıxışında Qarabağın işğaldan azad olunmasından narahatlıq keçirdiyi hiss olunan tədqiqatçı Azərbaycan Respublikasının sionizmin bazasına çevrildiyini iddia edib. O, İran rəsmilərinin Cənubi Qafqazda vəhhabiliyin yayılması barədə iddialarını təkrarlayıb, Azərbaycan Respublikasının bu məsələdə əsas rol oynadığını söyləyib:

“Bütün bunlarda müştərək məqsəd panazəriləri turanlaşdırmaq və azərbaycanlıların əsl iranlı kimliyini məhv etmək, erməni soyqırımı barədə həqiqətləri ört-basdır etmək, fars dili, mədəniyyətini zəiflətmək, aradan qaldırmaqdır”.

Həmçinin yoxlayın

Sayın Ərsin Tatar sayın Mikayil Oyta və Sara xanım Azərsunun idarə etdiyi radionun efirində-Şəkil

GADTB-nin Mətbuat Mərkəzinə daxil olan məlumata görə, Sidneydə səfərdə olan Quzey Qıbrıs Türk Cumhuriyyətinin Cumhurbaşqanı …

Molla rejimi azərbaycanlı milli fəalları məhkəmə etdi

GADTB-nin Mətbuat Mərkəzinə daxil olan məlumata görə, irqçi fars-molla rejimi Tehran İnqilab Məhkəməsinin 15-ci bölməsində …