GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Ərak zindanından Evin həbsxanasına sürgün edilən azərbaycanlı vəkil Məhəmməd Nəcəfi ailəsi ilə görüşdükdən sonra insult əlaməti ilə əlləri qandallı və ciddi təhlükəsizlik tədbirləri ilə xəstəxanaya aparılıb.
Bu barədə Almaniyada yaşayan azərbaycanlı hüquqşünas Sina Yusifi bu gün öz “X” hesabında paylaşım edib.
Sina Yusifi həbsdə saxlanılan güneyli vəkil və hüquq müdafiəçilərinin ağır vəziyyətinə toxunaraq yazıb: “Boyun fəqərələrinin zədələnməsinə, müalicə və tibbi yardıma ehtiyac olmasına baxmayaraq, vəkil Tahir Nəqəvi həbsxana paltarı geyinib qandal taxmaqdan imtina etdiyi üçün müalicədən məhrum edilir. Məhəmmədrza Fəqihiyə isə Tehranın Apellyasiya Məhkəməsinin qərarı ilə 5 il həbs cəzası verilib”.
