Molla rejimi Azərbaycan musiqisi və milli geyiminə görə restorana xəbərdarlıq etdi

GADTB-nin Mətbuat Mərkəzinə daxil lan məlumata görə, molla rejimi Urmiya şəhərində mışhur restoranlardan birinə Azərbaycan musiqisi və Azərbaycan milli geyiminə görə xəbərdarlıq edib.

İctimai Yerlərə Nəzarət İdarəsinin göndərdiyi xəbərdarlıq vərəqəsində Azərbaycan milli geyiminin hicab qaydalarına uyğun olmadığı bildirilib.

Restoran sahibinə edilən xəbərdarlıqda milli geyimlərin yığışdırılması tapşırılır.

Həmçinin bildirilib ki, Azərbaycan musiqisi səsləndirilməməlidir. Əks halda iş lisenziyasının ləğv ediləcək.

Qeyd edək ki, bir neçə gün öncə Azərbaycan musiqisi səsləndirildiyi və Azərbaycan milli rəqsi ifa edildiyi üçün Urmunun “Şəms” salonunda səhnəyə çıxarılan “Şəhriyar” tamaşası yarımçıq yığışdırılıb. Tamaşanın ssenari müllifi və rejissoru Vəli Lütfduxtun isə fəaliyyətinə müddətli qadağa qoyulub.