GADTB Güney Azərbaycan Demokratik Türk Birliyi
GADTB: Martın 10-da İranın Rəşt şəhərindəki Azad İslam Universitetində talış separatçılarının iştirakı ilə “Talış İran mədəniyyəti və tarixinin simasında” adlı konfrans keçirilib.
İran hökumətinin dəstəyi ilə baş tutan konfransda qondarma “Talış-Muğan Respublikasının başçısı” Əlikram Hümbətovun “davamçısı” Boris Talışinski çıxış edib.
Tədbirə Əhməd Kazemi, Əbülfəzl Beheşti, Məhəmməd Rezayəti və s. kimi anti-türk simalar və faşist paniranist düşüncəsinin təbliğatçıları də qatılaraq, çıxışlarında Azərbaycan Respublikasına qarşı nifrət yağdırıblar.
Qeyd edək ki, 1993-cü ildə Birinci Qarabağ müharibəsi zamanı və İran hökumətinin dəstəyi ilə Əlikram Hümbətov Azərbaycanın cənub-şərq bölgəsində (Xəzər sahili) separatizm təbili çalaraq muxtariyyət elan edib.
Heydər Əliyevin hakimiyyətə gəlməsi ilə, Hümbətovun qondarma “qurumu” dağıdıldı və o, Azərbaycan məhkəməsi tərəfindən mühakimə olundu. / Azad İran
