Molla rejimi azərbaycanlı milli fəal Əkbər Azadı Məhkəmə Qərarlarının İcrası şöbəsinə çağrıb

GADTB-nin Mətbuat Mərkəzinə daxil olan məlumata görə, irqçi fars-molla rejimi azərbaycanlı milli fəal Əkbər Azadı Məhkəmə Qərarlarının İcrası şöbəsinə çağrıb.

Əkbər Azada Tehranın Baharıstan şəhər İnqilab Məhkəməsinin İcra bölməsinin elektron sistemi vasitəsilə çağırış məktubu göndərilib.

Göndərilən məktubda tanınmış ağsaqqal fəalın çağırılmasının səbəbi hökmün icrası üçün məcburi yaşayış yeri vərəqəsinin verilməsi qeyd olunur. 

Halbuki, Əkbər Azad xəstəliyi  səbəbilə əməliyyatdan sonra hələ də evdə yataq rejimindədir və fiziki vəziyyəti pisləşdiyindən hərəkət edə bilmir.

İrqçi fars-molla rejimi azərbaycanlı fəalı ana dili uğrunda mədəni fəaliyyətlərinə görə dəfələrlə həbs və təzyiqlərə məruz qoyub.