GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejimi azərbaycanlı milli fəal Cavad Əhmədi Yekanlıya 2 il həbs cəzası verib.
Güney Azərbaycanın Xoy şəhərində yaşayan azərbaycanlı milli fəal Cavad Əhmədi Yekanlı iki saxta ittihama görə 2 il həbsə məhkum edilib.
Molla rejimin Xoy şəhərindəki İnqilab Məhkəməsinin 1-ci şöbəsi tərəfindən verilən qərara əsasən azərbaycanlı milli fəala “Hökumətə qarşı təbliğat” ittihamına görə 8 ay, “İran rəhbərini təhqir etmək” ittihamına görə isə 16 ay həbs cəzası verilib.
Qeyd edək ki, Güney Azərbaycanın Xoy şəhərindən olan və oktyabrın 18-də rejimin məmurları tərəfindən həbs edilən Cavad Əhmədi Yekanlı dekabrın 2-də 500 milyon tümənlik girov qarşılığında məhkəməyə qədər zaminə buraxılmışdı.
