GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, molla rejimi Təbrizdə yaşayan azərbaycanlı milli fəal Fərhad Pakruh Təbrizdə Ümumi və İnqilab Prokurorluğunun qərarların icrası üzrə 11-ci şöbəyə çağrıb.
Çağırış prokurorluğun elektron sistemi vasitəsilə azərbaycanlı fəala göndərilib. Çağırışda azərbaycanlı fəaldan tələb olunub ki, o 10 gün müddətində prokurorluğa müraciət etsin.
Qeyd edək ki, bundan öncə ilkin məhkəmə stansiyasında Fərhad Pakruh 4 ay həbs cəzasına məhkum edilib və həbsdən sonra 2 il müddətinə ölkədən çıxışına qadağa qoymulmuşdu.
Molla rejimi azərbaycanlı fəalı “Kiber məkanda video və foto yaymaqla hökumət əleyhinə təbliğat”da ittiham etmişdi.
Fərhad Pakruh bundan öncə Azərbaycan Milli Hərəkatının tanınmış simalarından olan mühəndis Qulamrza Əmaninin ildönümü mərasiminə qatıldığı üçün yaxalanmışdı.
