Molla rejimi sürücülərin tətillərinə görə çox sayda insan həbs edib

GADTB: İrqçi fars-molla rejimi yük avtomobili sürücülərinin tətil elan etməsindən sonra 40 nəfəri həbs edib.

Məlumata görə, saxlanılanlar arasında sürücülərlə yanaşı, onlara dəstək verən sosial media fəalları, mülki vətəndaşlar da var. Onlara qarşı ittiham irəli sürülüb və barələrində cinayət işi açılıb.

Qeyd edək ki, sürücülərin tətili mayın 22-dən başlayıb və 150-dən çox şəhərə yayılıb.

Narazı sürücülər yanacaq kvotasının azaldılmasına, sığorta haqqının yüksək olması və yük daşıma tariflərinin az olmasına etiraz edirlər.