GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, jurnalist Maidə Əmini İnstaqram səhifəsində bir vətəndaşa istinadən Xoy şəhərində zəlzələdən zərərçəkənlərin xaotik şəraiti və verilən çadırların elektrik enerjisinin kəsilməsi ilə bağlı video paylaşıb.
Jurnalistin səhifəsində yayımlanan videoda Xoy şəhərinin Kui Səfa bölgəsindən olan bir qadın deyir: 22 bəhmandan sonra aldıqları çadırlar və qızdırıcılar onlardan geri alınıb və onların yerində qeyri-standart çadır alıb qurmağa məcbur ediliblər.”
Zəlzələdən zərər çəkmiş bu vətəndaşın dediyinə görə, bu bölgənin məsul işçiləri işıqlandırma və istilik cihazlarının olmamasına baxmayaraq, ianə verilən çadırların işığını kəsib, zəlzələdən zərərçəkənləri çadırlarını tərk etməyə məcbur ediblər.
Həmçinin dünən İranın daxili işlər naziri Vahidi deyib: Bizim Xoy zəlzələsindən zərər çəkənlərə konteyner evi paylamaq planımız yoxdur.
