GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejimi Zəncanın Hidəc bölgəsinin sakini olan azərbaycanlı fəal Mehdi Dadgəri həbsə məhkum edib.
Son etirazlarda həbs edilən azərbaycanlı fəal Əbhərdə ikinci cinayət məhkəməsinin 103-cü şöbəsi tərəfindən 4 il, 3 ay, 16 gün həbsə məhkum edilib.
Molla rejiminin məhkəməsi Mehdi Dadgəri “Peyğəmbəri təhqiretmə” ittihamı ilə 3 il, “İctimai rəyi təhrik etmək məqsədilə yalan yayma” ittihamı ilə 15 ay 16 gün həbsə məhkum edib. Bunun isə İslami cəza qanunun 134-cü maddəsinin tətbiqi ilə 3 il icra dilməlidir.
Qeyd edək ki, Mehdi Dadgər keçən il sentyabrın 22-də öz bacısı Səmanə Dadgərlə eyni gündə yaxalanmışdı. Onlar vəsiqə qarşılığında zaminə buraxılmışdılar.
