Molla rejimin ekoloji fəlakətə səbəb olduğu Urmiya gölünün ətrafı təxliyə olunur

GADTB: İrqçi fars-molla rejimin ekoloji fəlakətə səbəb olduğu Urmiya gölünün ətrafı təxliyə olunur.

Artıq Urmiya gölünün quruması ilə başlayan duz fırtınalarının artması səbəbindən bölgədə ekoloji fəlakət yaşanır.

İranın Su Sənayesi Federasiyasının idarə heyətinin sədri Rza Hacı Kərimi İranın İLNA xəbər agentliyinə verdiyi müsahibədə bu barədə xəbərdarlıq edərək deyib ki, duz fırtınası səbəbindən Urmu gölünə bitişik əyalətlərin boşaldılmasına başlanılıb.

“Bu gün Urmiya gölü komada olan təcili yardım xəstəsi kimidir, bu isə hələ faciənin başlanqıcıfır”,- Hacı Kərimi əlavə edib.

Su Sənayesi Federasiyasının idarə heyətinin sədri, Urmiya gölünün 1995-ci ildən proqnozlaşdırılan ölümünün indi reallaşmaqda olduğunu deyib.

Qeyd edək ki, son məlumatlara görə, Urmu gölü tamamilə quruyub və peyk görüntülərində müşahidə olunmur.

İran Prezidenti Məsud Pezeşkian seçki qabağı təbliğat və təşviqat kampaniyasında seçiləcəyi təqdirdə əsas hədəflərindən birinin Urmu gölünün bərpası olduğunu bildirmişdi.