Molla rejimin həbs etdiyi azərbaycanlı həkim xanım aclıq aksiyası keçirir

GADTB-nin Mətbuat Mərkəzinə daxil olan məlumata görə, Məşhədin Vəkilabad zindanında həbsdə saxlanılan və kütləvi etirazların məhbuslarından olan Fərzanə Qarahəsənli iyunun 9-dan aclıq aksiyası keçirir.

Azərbaycanlı xanım Fərzanə Qarahəsənli tibbi xidmətlərdən məhrum edilməsi və həkim müayinəsinin olmamasına etiraz olaraq aclıq aksiyasına başlayıb. Bildirilib ki, onun bədəninin sol tərəfi tamamilə uyuşub və yalnız ağrıkəsicilərdən istifadə edə bilir. Xanım məhbusun vəziyyətinin acınacaqlı olmasına rəğmən, ona yalnız ağrıkəsici dərmanlar verilir, məhbusun həyatı təhlükədədir.

Qeyd edək ki, 2022-ci il noyabrın 4-də 54 yaşlı azərbaycanlı rentgenoloq Həmid Qarahəsənli və həyat yoldaşı 46 yaşlı laboratoriya elmləri üzrə mütəxəssis Fərzanə Qarahəsənli etiraz aksiyalarında öldürülən azərbaycanlı xanım Hədis Nəcəfinin 40 mərasiminə qatıldıqdan bir gün sonra radikal və yarıhərbi Bəsic təşkilatının üzvünün öldürülməsinə görə saxta ittihamlarla həbs ediliblər. Azərbaycanlı həkim Həmid Qarahəsənli sürgündə 15 il, Fərzanə Qarahəsənli isə sürgündə 5 il həbs cəzasına məhkum olunublar.

Həmçinin yoxlayın

Sayın Mikayil bəy Oyta Sidneydə Qıbrız Barış Əməliyyatının 50-ci ildönümü və 20 İyul Sülh və Azadlıq Günü münasibətilə tədbirə qatılıb-Video

GADTB-nin Mətbuat Mərkəzinə daxil olan məlumata görə, Avstraliya Azərbaycan Assosiasiyasının prezidenti, Güney Azərbaycan Demokratik Türk …

Fransa hərbi təyyarəsi İrəvanın “Zvartnots” hava limanına endi – Video

GADTB: Fransanın Hərbi Hava Qüvvələrinə məxsus təyyarə İrəvanda “Zvartnots” hava limanına enib. Hərbi təyyarədə silah-sursatın …