Molla rejimin həbs etdiyi Yasir Rəncbərin vəziyyəti ilə bağlı məlumat verilmir

GADTB: Azərbaycanlı fəal Yasir Rəncbər 1405-ci ilin 29 ordibehişt tarixində Təbrizdə molla rejimin qüvvələri tərəfindən saxlanılıb və aradan 12 gün keçməsinə baxmayaraq, onun saxlanıldığı yer və sağlamlıq vəziyyəti barədə hələ də heç bir məlumat açıqlanmayıb.

Yasir Rəncbərin ailəsi və yaxınları dəfələrlə müraciət etsələr də, təhlükəsizlik və məhkəmə orqanları bu azərbaycanlı fəalın saxlanma səbəbi, ona qarşı irəli sürülən ittihamlar və harada saxlanıldığı barədə heç bir açıqlama verməyiblər.

Məlumatlara görə, Yasir Rəncbərin taleyi barədə tam məlumatsızlıq ailəsi və yaxınları arasında ciddi narahatlıq yaradıb.

Son aylarda təhlükəsizlik təzyiqlərinin artması ilə paralel olaraq, xüsusilə Azərbaycanda milli, siyasi, mədəni və vətəndaş fəallarının saxlanılması hallarının da artdığı bildirilir.