Molla rejimin həbs etdiyi 18 yaşlı azərbaycanlı yeniyetmə Əmirəli Fəthinin taleyindən xəbər yoxdur

GADTB: Miyana rayonundan olan 18 yaşlı azərbaycanlı yeniyetmə Əmirəli Fəthi 18 dey tarixində molla rejimin qüvvələri tərəfindən saxlanıldıqdan sonra naməlum vəziyyətdədir. Bildirilir ki, onunla birlikdə saxlanılan şəxslər azad edilsə də, Əmirəli Fəthi hələ də həbsdə saxlanılır və bu yeniyetmənin fiziki zorakılığa məruz qalması ehtimalı ilə bağlı şübhələr mövcuddur.

Onun saxlanıldığı yer və saxlanma şəraiti barədə məlumatın olmaması yeniyetmənin səhhəti və əsas hüquqları ilə bağlı ciddi narahatlıqlar yaradıb. İnsan hüquqları normalarına əsasən, saxlanılan şəxslər işgəncə və qeyri-insani rəftardan qorunmalı, vəkilə çıxış və ailə ilə əlaqə saxlamaq kimi fundamental hüquqlarla təmin olunmalıdır.