GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, türk dili müəllimi, Azərbaycan milli hərəkatının fəalı Fərhad Hüseyni məhkəmə prosesinin sonuna qədər girov qarşılığında zaminə buraxılıb.
Qeyd edək ki, molla rejimin məmurları sentyabrın 19-da Zəncan şəhərində yaşayan azərbaycanlı milli-mədəni fəal Fərhad Hüseynini həbs edərək naməlum yerə aparmışdılar.
Zəncanın Azad Universitetində “idarəçilik” ixtisası üzrə magistr mərhələsində təhsil alan Fərhad Hüseyni Zəncan əyalətinin mətbuatında, o cümlədən “Bayram” jurnalında müxbir vəzifəsində çalışıb, mədəni-ictimai sahədə məqalələr yazıb.
Əsasən ədəbi və mədəni fəaliyyətləri ilə tanınan Fərhad Hüseyni bir müddət Zəncanın Mədəniyyət Mərkəzində türk dili və ədəbiyyatından dərs deyib.
