GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, molla rejimin irqçi siyasətinin banilərindən Rizvan Həkimzadə İranın yeni Prezidenti Məsud Pezeşkianın başçılıq etdiyi 14-cü hökumətin Təhsil Nazirliyinin Siyasət Komitəsinin üzvlərindən biri təyin edilib.
Rizvan Həkimzadə bundan əvvəl məktəbə qədərki dövrdə uşaqların farscanı məcburi öyrənmələri üçün hazırlanan layihənin müəllifi və icraçılarındandır.
Rizvan Həkimzadə və onun əməkdaşlarının bundan əvvəl hazırlayıb və icrasına başladıqları layihə qeyri-fars uşaqların ana dillərini unutdurmağa hesablanıb.
Layihəyə görə, uşaqlar 4 yaşından fars dilini öyrənməli və məktəbə daxil olmaq üçün bu dildən imtahan verməlidir.
4 yaşında fars dilini yaxşı mənimsəyə bilməyən uşaqlar isə xüsusi təlim mərkəzlərinə göndərilməlidirlər.
