GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejimin Güney Azərbaycanda yerləşən İstilik Elektrik Stansiyalarında qaz yerinə mazot yandırması ciddi hava çirkliliyinə səbəb olub.
Artıq bu səbəbdən Güney Azərbaycanın Urmiya, Təbriz, Binab, Üskü, Səhənd və Xusroşa şəhərlərində məktəblər tətil elan edilib.
Bu barədə Qərbi və Şərqi Azərbaycan əyalətlərinin Təhsil İdarələrinin ictimaiyyətlə əlaqələr bölməsi əlumat yayıb.
Məlumata görə, məktəblərin tətil elan edilməsi hava çirkliliyinin şiddətlənməsi, havada çirkləndiricilərin konsentrasiyasının artması və bunun insanların sağlamlığına təhlükə doğurmasına görə qərara alınıb.
Qeyd edək ki, Təbrizi və Binab şəhərlərinin havasının çirklənməsinin əsas amillərindən biri də İstilik Elektrik Stansiyalarında mazot yanacağından istifadə edilməsidir.
Əyalət rəhbərliyi və İstilik Elektrik Stansiyaların məsulları İran Milli Qaz Şirkətinin Şərqi Azərbaycan əyalətində mövcud olan istilik elektrik stansiyalarına qaz verilişini dayandırdığı üçün mazot yanacağından istifadə etməyə məcbur olduqlarını bildirirlər.
