GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil lan məlumata görə, Ukrayna aprelin 2-də Tatarıstanın Yelabuqa şəhərində yerləşən İranın “Şahid” dronlarının yığılması zavoduna hücum edib.
Bu barədə Ukrayna xüsusi xidmət orqanlarındakı mənbəyə istinadən “RBK” Ukrayna məlumat yayıb.
Məlumata əsasən, əməliyyat Ukrayna Müdafiə Nazirliyinin Baş Kəşfiyyat İdarəsi tərəfindən həyata keçirilib.
Mənbənin sözlərinə görə, Ukraynadan 1000 km aralıda yerləşən bu obyektə hücum nəticəsində “istehsalat gücü əhəmiyyətli dərəcədə məhv edilib”.
Qeyd edək ki, 2023-cü ildə Tatarıstanda “Geranium-2” pilotsuz təyyarələri kimi etiketlənən İranın “Şahid-136” pilotsuz təyyarələrinin yığılması üçün zavod tikilib. İrandan gələn komponentlər birbaşa Yelabuqadakı istehsalata daşınırdı. Keçən il iyulun 25-də “Protokol” nəşri Tatarıstanda yüzlərlə kollec tələbəsinin bu dronları yığmaq üçün işə götürüldüyünü bildirmişdi.
