GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejiminin yaxaladığı azərbaycanlı milli fəal Aydın Möhsünnəjaddan heç bir məlumat verilmir.
Noyabrın 22-də həbs edildikdən sonra ETTELAAT İdarəsinin təcridxanasına aparılan azərbaycanlı milli fəal Aydın Möhsünnəjad bir neçə dəfə dindirildikdən sonra Xoyda rejimin zindanına köçürülüb.
Fəalın yaxınlarının bildirdiyinə görə, Aydın Möhsünnəjadın məhkəmə işinə baxan müstəntiq Bəhram İbrahimi fəalın vəkillə təmin olunması və girov qarşılığında məhkəməyə qədər zaminə buraxılmasına belə icazə vermir.
Qeyd edək ki, Güney Azərbaycanın Xoy şəhərində yaşayan azərbaycanlı milli fəal Aydın Möhsünnəjad noyabrın 22-də rejimin məmurları tərəfindən yaxalanıb.
